Grønur hiti í Leirvík

Mikudagin fær Eysturkommuna hitaskipanina, sum skal geva skúlanum og eldrasambýlinum Giljagarði í Leirvík hita.

Tey hava annars brúkt 70.000 litrar av olju um árið.

Skipanin hevur framkomna tøkni, sum lagar nýtsluna eftir, nær framleiðslan er mest grøn.

Hon er intelligent, sum slíkt rópast. 

Grøn orka

Hitaskipanin verður í mestan mun rikin við grønari elorku. 

Umframt jarðhitapumpu, fleiri 400 metra djúp hol og fjarhitaleiðing er ein stórur vatntangi, har hitaorka skal goymast. 

Arbeiðið byrjaði á sumri 2021.

Verkætlanin um grøna hitaskipan í Leirvik er úrslit av kapping, sum Umhvørvisstovan skipaði fyri í 2020, og Demich vann.