Frakland vil hava meira kjarnorku

Frakland vil hava meira streym frá teimum 56 kjarnorkuverkunum í landinum, - summi eru meira enn 40 ára gomul, skrivar le Figaro.

Sambært blaðnum, skulu almenna elfelagið EDF og kjarnorkutrygdarmyndugleikin ASF nú fáa greiðu á, hvussu meira fæst burturúr kjarnorkuverkunum.

Elsta franska kjarnorkurverkið varð tikið í nýtslu í 1979 og tað nýggjasta í 2002.

Fronsku kjarorkuverkini framleiddu í fjør 279 terawatt-tímar (TWh).

Við hjálp frá tøkniligari uppstiging, og tí at viðlíkahald tekur styttri tíð, og verkið tí er stongt styttri tíð, vóna myndugleikarnir at fáa millum 350 og 380 terawatt-tímar TWh um árið. 

Frakland hevur eisini seks nýggj kjarnorkuverk, sum eru í gerð, men hesi vera ikki liðug fyrr enn einaferð í 2030'unum.

Fleiri kjarnorkuverk í Fraklandi vóru stongd í fjør, tí trupulleiki var við rusti. 

Landið mátti tí innflyta streym úr Týsklandi, sum í hesum mánaðinum stongdir sítt seinasta kjarnorkuverk.