Finsk sendistova fekk pulvurbræv

– Tey trý brøvini komu til sendistovuna hósdagin, og í tí fyrsta var okkurt hvítt pulvur, sigur ein talsmaður fyri sendistovuna við avísina.

Hann upplýsir, at hini bæði brøvini vóru ikki latin upp, men vil annars ikki upplýsa, hví tey bæði brøvini eisini eru illgrunaverd.

Heldur ikki vil talsmaðurin siga, júst hvønn á sendistovuni brøvini vóru stílað til, men russiska avísin Izvestija sigur, at brøvini vóru stílað til finsk sendifólk.

Fyrr henda mánaðin fekk Finnland limaskap í NATO, og tað hevur fingið ilt í russiskar myndugleikar.