Gera kloakk í Kvívík lidna

Høvuðsleiðing er løgd, og nú eru tað húsini við Áarvegin og Víkarvegin, ið skulu bindast í.

Fyrst skal eitt reinsiverk leggjast niður í vegin niðri í Túni á Áarvegnum, og leiðingin tvørtur um ánna skal gerast liðug.

Lagt verður fyri við húsunum, sum eru niðast, og síðan verður arbeitt niðanfrá.

Kvívíkar kommuna boðar frá, at meðan arbeiðið verður gjørt, er Áarvegurin stongdur fyri gjøgnumkoyring.

Roknað verður ikki við, at arbeiðið fer at taka so langa tíð, men fyrivarni verður tikið fyri, at forðingar kunnu vísa seg at fara at vera, meðan arbeiðið verður gjørt.

Kloakkviðurskiftini í hinum bygdunum í kommununi eru stórt sæð í lagi, men nú verður so farið undir at fáa viðurskiftini í lagi í Kvívík eisini.