Páls Høll nýggja oljufýring

Síðani Suðuroyggin fekk grønari orku við bæði vindmyllulund og battarískipan, hevur Páls Høll til tíðir havt avbjóðingar við hitanum.

Upprunaliga var álitið avlopshiti frá elverkinum í Vági, men grøna orkan hevur tikið broddin av hesum møguleika.

Vágs kommuna útvegaði sær eitt oljufýr til Páls Høll, ið tekur við, tá ið elverkið í Vági verður sløkt, men hetta hevur ikki víst seg at verið nøktandi.

Tí fekk Páls Høll í vikuni undan páskum eitt nýtt og størri oljufýr, so hitin kundi vera meira støðugur, og royndirnar higartil hava verið góðar.

Borgarstjórin í Vági, Bjarni Johansen, sigur at kommunan arbeiðir framhaldandi við eini varandi orkuloysn til Páls Høll.

- Hetta arbeiðið gongur rættan vegin og miðja verður eftir, at arbeiðið verður liðugt í 2023, sigur hann.