Sjúrður og Anna ætla ikki at tosa føroyskt

Føroysku umboðini á fólkatingi, Sjúrður Skaale og Anna Falkenberg, ætla sær ikki at tosa føroyskt á fólkatingsins røðarapalli.

Tað siga tey við Ritzau.

Tey halda at tað er hóskandi, at tosa danskt í danska fólkatinginum, og ikki brúka móðurmálið.

Fríggjadagin tosaði grønlendski fólkatingslimurin, Aki-Matilda Høegh-Dam, grønlendskt, tá ið hon helt røðu í fólkatinginum.

Eftir orðaskiftið segði Aki-Mathilda Høegh-Dam, at hon við hesum vildi leggja dent á, at allir grønlendingar ikki skilja danskt.