Ukraina fær hernaðarliga hjálp fyri 2,5 milliardir

Ukraina og Volodymyr Zelenskyj fara at fáa meira hernaðarliga hjálp frá vesturlondum.

Tað kom fram á G7-topfundinum í dag. Tað eru leiðararnir í Kanada, Fraklandi, USA, Italia, Japan, Stórabretlandi og Týsklandi, ið fundast. Tað skrivar Reuters.

Ukrainski forsetin var eisini við á fundinum har millum annað amerikanski forsetin Joe Biden lovaði hernaðarligan stuðul til Ukraina.

Sambært Reuters er virðið á hernaðarligu hjálpini umleið 2,5 milliardir krónur.

Bretski forsætisráharrin, Rishi Sunak boðaði eisini frá, at Bretland er til reiðar at venja ukrainskar pilotar. Hetta arbeiðið skal byrja í summar, sigur hann.