Stjórnarflokkurin størstur, men kanska verður eitt valumfar aftrat

Í løtuni er óvist, um Nýtt demokrati fær neyðugu 151 sessirnar fyri at fáa meiriluta í tjóðartinginum

Flokkurin hjá Mitsotakis, forsætisráðharra, gjørdist størstur á valinum í Grikkalandi í gjár, men enn er óvist, um Nýtt demokrati varðveitir stjórnarvaldið.

Mynd: Ritzau Scanpix

Sára Jógvansdóttir

22.05.2023 - 08:33

Konservativi stjórnarflokkurin, Nýtt demokrati, gjørdist størsti flokkur á tjóðartingsvalinum í Grikkalandi í gjár, nú nærum allar atkvøðurnar eru taldar.

Kortini er ikki vist, um flokkurin fær neyðugu 151 sessirnar fyri at fáa meiriluta í tjóðartinginum.

Grikski forsætisráðharrin, Kyriakos Mitsotakis, segði í takkarrøðu síni í gjárkvøldið, at hann ætlar at halda fram sum stjórnarleiðari.

Men enn er óvist, um Nýtt demokrati fer at skipa samgongu.

Alexis Tsipras

Alexis Tsipras, formaður í Syriza, ætlar sær eisini gerast forsætisráðharri. (Mynd: Ritzau Scanpix)

Tsipras vil eisini vera stjórnarleiðari

Alexis Tsipras, sum er formaður í flokkinum Syriza, ið gjørdist næststørsti flokkur á valinum, hevur boðað frá, at hann ætlar sær at leiða landið næstu fýra árini.

Fær Nýtt demokrati ikki meiriluta, verður eitt valumfar aftrat.

Í 2010 fór Grikkaland av knóranum, og síðan hevur landið roynt at fótað sær.

Í fjør var fyrsta árið síðani kreppuna, at avlop var á fíggjarlógini.