Eldgos í Meksiko: Fólk skulu vera til reiðar at rýma

Tey, sum búgva nærindis eldgosinum Popocatépetl i Meksiko, hava fingið boð um at vera til reiðar at fara frá húsum. 

Meksikanskir myndugleikar hava í nátt sett tilbúgvingina á gult, sum er síðsta stigið, áðrenn neyðugt er at flyta fólk burtur.

Tað skrivar tíðindastovan AFP. 

Sambært samskiparanum fyri bjargingartænastuna, Lauru Velazquez, ber nýggja tilbúgvingarstigið í sær, at stórur vandi er fyri spreingingum, sum taka grót við sær.

Sera vandamikið

Eldgosið í Meksiko verður mett at vera eitt av vandamiklastu eldgosum í heiminum, tí umleið 25 milliónir fólk búgva nærindis.

Leygardagin helt øll flogferðsla uppat, tí so nógv øska var á leiðini.  

Landið hevur latið upp fleiri verdarskýlir í økinum. 

Eldgosið Popocatépetl hevur ikki verið so stórt í eina heila øld. Tað fór at goysa aftur í 1994, og síðani er tað vorðið meira virkið.