Málið er føroysk rættarskipan

- Mítt mál er, at rættarskipanin kemur á føroyskar hendur, og føroyskt verður rættarmál í Føroyum burturav.

Tað sigur Bjarni Kárason Petersen, landsstýrismaður, sum hevur svarað Anniku Olsen, løgtingskvinnu.

Hon spurdi, nær føroyskt verður formligt rættarmál í Føroya rætti.

Bjarni Kárason Petersen svarar, at føroyskt er longu sambært rættargangslógini høvuðsmálið í Føroya Rætti, hóast danskt eisini verður brúkt har. 

Føroyskt er formligt rættarmál í rættarsalunum í Føroya rætti, og eingin føroyingur verður noyddur at tosa danskt í Føroya rætti, sigur landsstýrismaðurin.