Vindmylla aftur upp á pláss

Generatorurin og hubburin - ella hjartað, sum veingirnir eru festir í - hevur verið heilt í Newcastle í Onglandi til umvælingar.

Hósdagin varð generatorin monteraður, og nú verða hubbur og veingir eisini settir á mylluna aftur.

Veingirnir hava verið eftir í Føroyum, meðan restin hevur verið til umvælingar í Ongandi.

Myllurnar hava upp á skift verið ávirkaðar av generatorskaðum síðani 2020, skrivar heimasíðan hjá SEV.

Ymiskt hevur verið gjørt fyri at rætta brekið, men í heyst vórðu partar av myllu 4 sendir til Onglands.

Síðan ódnarveðrið fyrst í februar hava allar myllurnar í Neshaga staðið stillar.

– Allar myllurnar hava sama skaða, og um hetta við myllu 4 vísir seg at rigga, ber møguliga til at umvæla hinar á sama hátt, sigur Heri Mortensen, deildarstjóri hjá SEV.