Nýggi verjupolitikkurin ávirkar ikki samhandilin við Kina

Eingin munur verður á handlinum hjá Føroyum og Grønlandi og handlinum hjá Danmark við Kina, tá nýggi verju- og trygdarpolitikkurin fer at virka.

Tað sigur Lars Løkke Rasmussen, uttanríkisráðharri, í svari til Sjúrð Skaale, fólkatingsmann.

Spurningurin er, um samstarvið verður øðrvísi, tá talan er um Arktis ella um ES, sum Danmark er í, men ikki Føroyar og Grønland.

Atgongdin til marknaðin í Kina verður tann sama hjá Føroyum og Grønlandi, sum Danmark hevur sum limur í ES, sigur uttanríkisráðharrin.