1,3 milliardir fólk hava diabetes í 2050

Talið á fólki við diabetes ella sukursjúku fer at vaksa í stórum næstu áratíggjuni, og hesumegin 2050 fara 1,3 milliardir fólk at hava sjúkuna.

Sambært umfatandi greining av heimsfevndandi dátum, fer varandi sukursjúka at vinda upp á seg í øllum heimsins londum.

Talan er um meir enn eina tvífalding sammett við í dag.

Tey flestu hava typu 2-dibetes

Mett verður, at 529 milliónir fólk hava diabetes í øllum heiminum. Av hesum hava 95 prosent typu 2-diabetes, ið verður sett í samband við ringar lívsvanar og fiti.

Nýggja granskingin er givin út í tíðarritinum, Lancet. Hon metir, at fyri 2045 fara tríggir fjórðingar av vaksnum fólki við diabetes at búgva í lág- og miðalinntøkulondum.

Liane Ong, sum er ein av høvundunum, sigur, at ein orsøk til stóra vøksturin er, at matvanarnir hjá fólki eru broyttir síðstu árini, skrivar NTB.