ST-aðalskrivarin: Vit hava mist tamarhaldið á veðurlagsbroytingunum

- Vit hava mist tamarhaldið á veðurlagsbroytingunum.

Soleiðis sigur aðalskrivarin í ST, António Guterres, nú tríggir teir heitastu dagarnir, sum higartil eru mátaðir á jørðini, allir vóru mátaðir í vikuni.

Týsdagin var metið fyri miðalhitan tikið - metið varð sett dagin fyri - tá miðalhitin um allan heimin var roknaður at vera 17,18 stig.

Tað vísa útrokningar og dátur frá amerikanska stovninum, sum arbeiðir við forsøgnum um veðurlagið, NCEP.

- Hesi metini vísa, hvussu álvarsom støðan við veðurlagsbroytingunum er, sigur António Guterres við The Guardian.

Hitabylgja, hiti, veðurlagsbroytingar

Tríggjar ferðir hesa vikuna hevur óvanliga nógvur hiti mátaður. (Savnsmynd: Ritzau Scanpix)

Kós móti vanlukkuligari støðu

- Tamarhald fæst ikki á veðurlagsbroytingunum, og halda vit fram at útseta at seta neyðugu tiltøkini í verk, vænti eg, at vit hava kós ímóti einari vanlukkuligari støðu. Tað eru tey bæði hitametini við til at vísa okkum, sigur hann.  

Orsøkin til óvanliga hitan er sambært granskarum grundað á tvey viðurskifti:

Vakstrarhúsárin av veðurlagsbroytingum, sum stava frá nógvum CO2-útláti, og altjóða veðurfyribrigdið, El Niño.

Juni mánaður var 0,5 stig heitari enn vanligt, vísa tøl frá ES-veðurlagseftirlitistænastuni Copernicus.

Høvini vóru eisini heitari enn vanligt í juni, sigur Copernicus.