Grindamannafelagið hevur álit á løgregluni

- Grindamannafelagið hevur álit á arbeiðinum hjá politinum og teimum avgerðum, fútin tekur.

Tað sigur formaðurin í felagnum, Esmar Joensen, nú skipið hjá Paul Watson, John Paul Dejoria, sunnudagin breyt forboðið fyri at koma inn um 12 fjórðingar.

Esmar Joensen heldur, at hóast hann skilir, at fólk kenna seg illa av, at skipið slapp heilt inn at molanum í Havn, uttan at verða tikið, so eigur politiið at fáa náðir til at arbeiða sum frægast.

Við Dimmalætting sigur formaðurin í Grindamannafelagnum, at umráðandi er, at fólk sissa seg og ikki leypa framav, nú Paul Watson roynir at fóðra sína propagandamaskinu.