Svøríkisdemokratarnir ivasamir um turkiskan limaskap í ES

- Svøríkisdemokratarnir finnast at ætlanini um, at Turkaland skal fáa limaskap í ES.

Tað sigur formaðurin í uttanríkisnevndini í svenska Ríkisdegnum, Aron Emilsson, við Svenska Dagbladet.

Svøríkisdemokratarnir krevja at fáa at vita frá stjórnini, undir hvørjum treytum semja er fingin í lag við turkiska forsetan, Erdogan, á NATO-toppfundinum í Vilnius fyrr í vikuni.

Bleytar orðingar

Aron Emilsson sigur, at orðingarnar frá stjórnini hava verið “breiðar og bleytar”, og at har er ymiskt, sum stjórnin ikki hevur tosað við Svøríkisdemokratarnar um.

Svøríkisdemokratarnir eru stuðulsflokkur hjá stjórnini, ið telur flokkarnar Tey Moderatu, Kristdemokratarnar og Tey Liberalu.

- Millum annað vilja vit vita, hvønn leiklut Svøríki hevur í sambandi við, at Turkaland møguliga skal limast í ES, sigur Aron Emilsson.