Kurvabóltsmenninir endaðu við sigri

Lagið var gott á føroysku kurvabóltsmonnunum eftir sigurin á Ynes Mon í teirra síðsta dysti í Guernsey hósdagin.

Dysturin, sum endaði 60-54 til Føroyar, bant eina pena sloyfu um føroyska avrikið á Oyggjaleikunum, ið sambært spælarunum sjálvum var betur enn góðkent.

Menninir vunnu tveir dystir, meðan tað eydnaðist nýggja landsliðnum við kvinnum at vinna sín fyrsta dyst yvirhøvur.

Eingin kurvabóltur verður á Oyggjaleikunum á Orknoyggjum um tvey ár, og tí liggur tað á Kurvabóltssambandinum at finna hóskandi avbjóðingar til landsliðini næstu árini.