VIDEO: "Lat tað ikki ganga fimm ár, áðrenn eg komi aftur til Føroya"

"Eg læri nakað nýtt, hvørja ferð eg vitji í Føroyum, og tí dámar mær væl at vitja aftur her," sigur 34 ára gamli Lukas Graham, sum leygarkvøldið var høvuðsnavnið á Tórsfest

0 seconds of 0 secondsVolume 90%

00:00

Uni L. Hansen

Annika Repond Sørensen

24.07.2023 - 20:30

Heimskendi Lukas Graham, sum í veruleikanum eitur Lukas Forchammer, stórtrívist í Føroyum.

Um vikuskiftið vitjaði hann fyri fimtu ferð Føroyar, og hann ætlar sær at koma skjótt aftur.

"Latið tað nú ikki ganga fimm ár, áðrenn eg verið boðin aftur til Føroya at spæla fyri tykkum," ljóðaðu boðini frá Lukas Graham, tá hann stóð á Tórsfest-pallinum leygarkvøldið.

Tórsfest 2023, Lukas Graham

Føroyskir konsert- og festivalfyriskiparar kunnu trygt bóka dugnaliga danan, tí bæði uppmøtingin til konsertina á Tórfesti, men sanniliga eisini móttøka, ið Lukas Graham fekk, vóru sera góðar.

"Eg læri nakað nýtt, hvørja ferð eg vitji í Føroyum," greiddi Lukas Graham frá.

Lukas Graham avdúkaði eisini, at hvalahjarta tatar smakkar væl.

Sí samrøðu, sum Annika Repond Sørensen úr ungdómstoymið BIIT hjá Kringvarpi Føroya gjørdi við Lukas Graham, og sum Róar Mørkøre Hansen filmaði.