Útlátið seks prosent minni í fjør

Útlátið í Føroyum var seks prosent minni í fjør enn í 2021.

Hetta er fyrstu ferð í meira enn tíggju ár, at vakstrarhúsgassið í Føroyum er munandi minkað, skrivar Umhvørvisstovan.

Høvuðsorsøkin er, at meira streymur kom frá varandi orkukeldum í 2022 enn í 2021. 

Húsarhaldini brúktu níggju prosent minni olju og akførini fýra prosent minni.

Vera bunkringar hjá útlendskum fiskiskipum taldar við, var minkingin í útlátinum 14 prosent.

Útlendsk skip keyptu nógv minni olju, 42 prosent, í Føroyum í 2022 enn í 2021.