Russisk skip bunkra á fiskileið

Norska tangaskipið Polar Viking, sum hevur bunkrað russisku fiskiskipini í Irmingarhavinum, bunkrar nú eisini russisku fiskiskipini á makrelleiðini í altjóða sjógvi.

Russisku skipini hava bunkrað í Føroyum, men nú bunkra tey á opnum havi.

Tað veit Vágaportalurin at siga við upplýsingum frá FishFacts.

Polar Viking hevur í fleiri vikur siglt pendulfart millum makrelleiðina og Norra.

Hetta er ein avleiðing av føroysku revsitiltøkunum ímóti Russlandi, sum komu í gildi tann 7. juli.

Nú sleppa bara skip, sum fiska sambært fiskiveiðiavtaluni millum Føroyar og Russland, at umskipa ella landa í føroyskari havn og fáa tænastur har.