Eisini veturin á syðru hálvkúlu methøgur

Enntá á syðru hálvkúlu, har tað er vetur, hevur talan verið um methita.

Týsdagin vóru 30 stig máld í argentinska høvuðsstaðnum Buenos Aires.

Hetta er mesti hiti, sum er mátaður har, síðani mátingarnar byrjaðu fyri 117 árum síðani.

Eisini í Chile, Bolivia, Paraguay og Uruguay hevur verið óvanliga heitt síðstu vikurnar.

Chilenski umhvørvisráðharrin vísir á tvær orsøkir til methitan, og tær eru veðurfyribrygdið El Niño og globala upphitingin, ið stendst av veðurlagsbroytingum.