984 milliónir krónur vórðu goldnar í lønum í juli

984 milliónir krónur vórðu goldnar í lønum í juli. Hetta eru 69 milliónir fleiri enn sama tíðarskeið í fjør.

Tað upplýsir Hagstova Føroya á síni heimasíðu.

Í juli fingu mannfólk 605 milliónir krónur í lønum og konufólk 378 milliónir. 

Útlendingar tjentu 35,2 milliónir í juli, sum er 10,7 milliónir meira enn juli í fjør. 

Ein vøkstur er í øllum vinnum, sigur Hagstovan.

Starvsfólk í almennum tænastum fingu 329 milliónir í lønum í juli, og í privatu vinnuni vórðu goldnar 303,7 milliónir krónur.

Lønargjaldingarnar í fiskivinnuni vóru 196,4 milliónir krónur í juli og í byggivinnuni 154,5 milliónir.