Samarittarnir gjørdu stórt arbeiði á Norð festivali

Løgreglan steðgaði einum bili í nátt, har tað vísti seg, at bilførarin var ávirkaður av rúsevnum. 

Nærri kanningar vístu, at bilførarin eisini hevði ein 'mola' av hassji uppi á sær.

Á Viðareiði var Norðfestivalurin, og eini 2.000 fólk vitjaðu hann. 

Nógv vóru full, og sambært vaktleiðaranum á politistøðini, funnu tey ikki vegin heim og vistu heldur ikki, hvar tey vóru. 

Tí varð ringt til løgregluna um hjálp.

Vaktleiðarin vísur á stóra arbeiðið, sum Samarittarnir hjá Reyða krossi gjørdu á festivalinum.

Samarittarnir fingu nógvar fráboðanir um fólk, sum høvdu brúk fyri hjálp, og teir gjørdu stórt arbeiði fyri at hjálpa, sigur vaktleiðarin á politistøðini.