Ætlar at selja fyri milliónir men einki verður selt

Í nógv ár hevur landsstýrið sett milliónir í fíggjarlógina sum inntøkur fyri seldar bygningar.

Men inntøkurnar koma ikki, tí bygningar vera ikki seldir.

Í fíggjarlógini fyri 2022 vóru til dømis fimm milliónir krónur.

Men tær komu ikki.

Landsstýrismaðurin í fiskivinnu- og samferðslumálum sigur í frágreiðingini hjá  Landssgrannskoðanini um frávik millum játtan og nýtslu í 2022, at fyrireikingar eru gjørdar til at selja almennar bygningar.

Eingin bygningur var seldur í 2022, tí Landsverk fekk onga fráboðan frá stjórnarráðum um at selja bygningar. 

Sambært landsstýrismanninum hevur Landsverk lista við bygningum, sum møguliga kunnu seljast komandi árini.