Færri næmingar krevja fleiri skúlastovur

Tað verður helst ein fíggjarligur spurningur, um ætlanin við færri næmingum í hvørjum flokki í fólkaskúlanum kann setast í verk

Landsstýrismaðurin í barna- og undirvísingarmálum ætlar at minka næmingatalið í flokkunum í fólkaskúlanum niður í 20 næsta skúlaár. (Savnsmynd: Bjarni Árting Rubeksen))

Kári Mikkelsen

14.09.2023 - 12:57

Hóast stór semja er um, at tað er eitt gott hugskot at minka næmingatalið í flokkunum í fólkaskúlanum, so verður tað sum við so nógvum øðrum, tá ræður um politikk, helst ein fíggjarligur spurningur, um hetta kann setast í verk.

Tað vil siga, hvør skal rinda meirkostnaðin fyri eina skipan við færri næmingum í hvørjum flokki, og harvið fleiri skúlaflokkar og skúlastovur.

Evnið í Breddanum fyrrapartin var fólkaskúlaálitið og serliga spurningurin um at minka flokkarnar úr 24 niður í 20 næmingar.

Heðin Mortensen, borgastjóri í Havn, og Djóni Nolsøe Joensen, landsstýrismaður í skúlamálum, kjakaðust um málið í útvarpsstovuni:

14092023_Smaerri_skulaflokkar

Allur Breddin kann hoyrast her.