Heilivágur kann forða menning av diabetes hjá børnum og ungum

Heilivágur fyri virus kann steðga menningini av typu 1-diabetes hjá børnum og ungum, sum hava fingið typu 1-diabetes.

Tað vísir nýggj gransking, sum danskir og norskir granskarar hava gjørt.

- Tað nýggja og áhugaverda er, at vit vísa á, at tað ber til at tálma menningini av typu 1-diabetes. Hetta er fyrstu ferð, hetta slagið av heilivagi er brúkt, og prógvað er, at tað riggar, sigur ein av granskarunum, Jesper Johannesen, professari á Steno Diabetes Miðstøðini í Keypmannahavn, við Ritzau.

- Leingi hevur verið umrøtt, og vit hava hildið, at virusígerð kann vera ein av orsøkunum til, at summi fáa typu 1-diabetes, sigur granskarin.

- Og nú hava vit víst á, at so er, sigur hann.