Fekk ikki orðini upp

Jana Mittún hevði ilt við at seta orð á ósigurin fyri Íslandi.

Føroyar høvdu spælt ein góðan dyst, men kortini vann útiliðið við fimm málum, og tað var týðiligt, at bakspælarin hevði ætlað sær meir.

 - Hetta er ræðuliga irriterandi, segði hon beint eftir dystin.
 
 - Vit koma væl frá byrjan og spæla væl í fyrra hálvleiki, men vit brenna ov illa og tapa við fimm málum, og tað var ikki ætlanin.


Frammanfyri í hálvleikinum

Avrikið fyri steðgin var frálíkt. Føroyar byrjaðu eitt sindur trilvandi, men spælararnir komu skjótt á lagið og komu upp á javnt. Fyri steðgin vóru tær omaná og stórfegnaðust, tá tær kundu fara í skiftingarrúmið við 12-11 leiðslu.

Góða spælið helt fram í seinna hálvleiki, men skotini, sum í størri og størri mun komu av høgra veingi, fóru ikki í málið. 

 - Tað er ikki eingang tí, at tær fáa so nógv mál, so vit eru øgiliga skuffaðar beint nú, segði Jana Mittún, sum var føroyskur toppskjútti við seks málum.