- Tíðindi, mentan og ítróttur
Tveir sjónleikir á Vágskálini
Tveir sjónleikir á Vágskálini
Sjónleikirnir ”Lortið” eftir Cristian Ceresoli og ”Føðingardagsveitslan” eftir Harold Pinter verða ummældir í sendingini Vágskálini í morgin, mikudagin, kl. 17.05
Durita Dahl Andreassen spælir leiklutin sum kvinnan, ið situr nakin á einum høgum stóli í høllini í Norðurlandahúsinum, og hennara fremsta mál er at gerast kend og fáa viðurkenning.
Mynd: Gwenaël Akira Helmsdal
17.10.2023 - 19:28
”Lortið” er einrøðuleikur, sum Durita Dahl Andreassen spældi í Norðurlandahúsinum í farnu viku, og sum Marita Dalsgaard leikstjórnaði og týddi.
Kvinnan, sum sigur frá í leikinum, situr nakin á einum høgum stóli í høllini í Norðurlandahúsinum, og hennara fremsta mál er at gerast kend og fáa viðurkenning.
Gulla Øregaard, Gunnvá Zachariassen og Kinna Poulsen ummæla leikin, og tveir menn siga eisini sína hugsan.
”Føðingardagsveitslan” er sjónleikur eftir nobelvirðislønta enska leikritahøvundin, Harold Pinter, sum hevur verið sýndur á Tjóðpallinum farnu vikurnar. Hans Tórgarð týddi leikin.
Leikstjóri er íslendingurin, Guðjón Pedersen. Tey, sum spæla, eru Hans Tórgarð, Hjálmar Dam, Páll Danielsen, Erling Eysturoy, Kristina Sundar Hansen og Esther á Fjallinum.
Fríggjakvøldið, meðan illveðrið dundi á hús og vegir í miðbýnum í Havn, hevði fitt av fólki leitað sær á Tjóðpallin at síggja ”Føðingardagsveitsluna”.
Aftaná søgdu áskoðarar og ein ummælari, Gulla Øregaard, sína hugsan um leikin.
Vágskálin mikudagin kl. 17.00 í útvarpinum.
Uni Arge leggur til rættis.
Er kopiera
Nýggjastu sendingar í ÚV
Nýggjastu sendingar í SV
