- Tíðindi, mentan og ítróttur
Føroysku fótbóltskvinnurnar taka ímóti Aserbadjan
Føroysku fótbóltskvinnurnar taka ímóti Aserbadjan
Í dag spæla bestu føroysku fótbóltskvinnurnar sín triðja dyst í Nations League. Mótstøðuliðið við Djúpumýrar er Aserbadjan, sum er oddalið í bólkinum
![](https://kvf.fo/sites/default/files/styles/grein-ovasta-mynd/public/signe_pries_andersen.jpeg?itok=wPuskL8y)
Signe Pries Andersen stendur á odda fyri sínum triðja dysti í dag
Mynd: Bjarni Enghamar/FSF
27.10.2023 - 11:09
Føroyska fótbóltslandsliðið við kvinnum spælir seinnapartin í dag sín triðja dyst í Nations League.
Aserbadjan, sum er oddalið í bólkinum saman við Kýpros, vitjar við Djúpumýrar.
- Vit eru í menning, men hava eisini lagt miðvíst arbeið í hetta, og hava bygt upp á síðan fyrsta dystin. Nú gleða vit okkum til at fara á vøllin at gera brúk av hesum, sigur venjarin, Signe Pries Andersen við fsf.fo.
Undan dystinum eru Aserbadjan og Kýpros fremst í bólkinum við 4 stigum í part. Montenegro er nummar 3 við trimum stigum, meðan Føroyar enn hava fyrstu stigini til góðar.
Føroyar hava tapt 1-0 ímóti bæði Montenegro og Kýpros.
Dysturin í dag byrjar klokkan 14.00.
Nýggjastu sendingar í ÚV
Nýggjastu sendingar í SV