Ongin deyður á sjónum í ár

Síðani allahalganna dag síðsta ár, er eingin føroyingur deyður í yrki sínum á sjónum.

Siðvenjan at minnast sjólátin er staðfest í tveimum løgtingssamtyktum, - tann fyrra frá 1943, og tann seinna í 1949.

Almenna minningarhaldið verður kl. 14 á Vinnuháskúlanum í Tórshavn. Ann Hermansdóttir, prestur, talar. 

Eftir løtuna á Vinnuháskúlanum leggur Løgmaður krans við minnisvarðan í Viðarlundini í Tórshavn. 

Í kvøld verður gudstænasta í Dómkirkjuni í sambandi við minningarhaldið, og hon verður send beinleiðis í útvarpinum.