Kina og USA samstarva um at basa veðurlagsbroytingum

Kina og USA, sum í dag eru tey lond, ið hava størsta útlátið av veðurlagsgassi, hava nú boðað frá, at tey ætla at samstarva um "tíðarinnar størstu avbjóðing fyri núverandi og komandi ættarlið". Hetta samstarvið fevnir m.a. um at trífalda talið á globalari varandi orku fyri 2030, fyri at skunda undir skiftið frá koli, olju og gassi, skrivar DR.

Í felags fráboðan frá londunum verður dentur lagdur á at minka útlátið av metangassi, og at seta tiltøk í verk fyri at forða fyri skógareldum og plastdálking. 

Heimsins lond bundu seg undir veðurlagstoppfundinum í París í 2015 at halda heimsins hitaøking undir 1,5 stigum. Nakað, sum sambært veðurlagsnevndini hjá ST fer at krevja ein minking í heimsins útláti av vakstrarhúsgassum við 43 prosentum fyri 2030.

Fokus verður sett á at taka kol, olju og gass úr nýtslu, ið er ein tilgongd, sum serliga verður avbjóðandi fyri lond sum Kina, ið framvegis byggir nýggj kolorkuverk.