Suðuroyartunnilin: Mæla til at bíða eftir tilmæli um figgingarleist

Samgonguflokkarnir, Fólkaflokkurin og Miðflokkurin í fíggjarnevndini taka ikki undir við uppskotinum hjá Sambandsflokkinum, um at flyta peningin, sum ætlanin er at minka ríkisveitingina við, til Suðuroyartunnilin.

Meirilutin sigur, at undir viðgerðini er komið fram, at arbeiðið at fyrireika Suðuroyartunnilin verður skipað soleiðis, at samstundis sum undirlendiå verður kannað, verður haldføriskanning gjørd og fíggingarleistur funnin.

Meirilutin heldur tí, at rættast er bíða eftir arbeiðsbólkinum, ið eisini kemur við tilmæli um fíggingarleist, áðrenn støða verður tikin, hvussu Suðuroyartunnilin skal fíggjast.

Samgonguflokkarnir, Fólkaflokkurin og Miðflokkurin mæla frá at samtykkja uppskotið hjá Sambandsflokkinum.

Sambandsflokkurin í fíggjarnevndini mælir til at samtykkja uppskotið.

Sambandsflokkurin heldur, at við uppskotinum ber til at styrkja eginfíggingina, tí eftir fíggingarleistinum gevur niðurlagingin í ríkisveitingini 850 milliónir kr. í 2032.