460 jarðskjálvtar í Íslandi í nátt

Vandi er framvegis fyri, at tað fer at goysa í Grindavík í Íslandi.

Í nátt eru 460 jarðskjálvtar skrásettir síðani á midnátt. Tann harðasti var mátaður til 2,7.

Hildið verður framvegis, at sannlíkindi eru fyri, at tað fer at goysa úr magmabrunninum undir Grindavík fyrsta dagin.

Dátur vísa stóra broyting í magmatunlinum við Halgafell, og hildið verður, at tað er har gosið byrjar, hóast tað kann goysa úr allari sprunguni.

Myndugleikarnir hava boðað til tíðindafund kl. 11 í dag.