Finnland steingir landamørk

Trý landamørk millum Finnland og Russland eru nú stongd. Tað sigur finski forsætisráðharrin Petteri Orpo á tíðindafundi, sambært finska kringvarpinum YLE. 

Einasta markið, sum er opið, er við Raja-Jooseppi í Laplandi. 

Ætlaðu at steingja med alla

Undan hesum hevði finska stjórnin lagt fram eitt uppskot um at steingja mørkini til Russlands med alla, men sambært YLE bar hetta ikki til, tí tað hevði verið brot á fleiri altjóða reglur, sum tryggja fólki rætt til at søkja sær friðskjól. 

Finnland steingir markið, tí Russland letur pappírsleys flóttafólk úr Miðeystri og Somalia ferðast gjøgnum Russlandi til tess at kunna søkja sær friðskjól í Finnlandi.