Herjólfur kemur aftur 12. desember

Nú er dagurin, sum Herjólfur III kemur aftur til Føroya, fyribils 12.desember.

Hann skuldi annars koma 5.desember.

Tá Herjólfur III var leigaður úr Íslandi, var ein treytin, at hann skal vera tøkur, tá íslendska reiðaríið, sum eigur hann, hevur brúk fyri honum.

Og tað hevði reiðaríið herfyri, so Herjólfur III fór til Íslands 24.november.

Strandfaraskip landsins arbeiða við ymiskum loysnum um farmaflutningin á suðuroyarleiðini, nú Herjólfur III gevst á nýggjárinum, sigur Fiskivinnu- og Samferðslumálaráðið.

Hagtølini siga, at Herjólfur III tekur 30 prosent av farminum á suðuroyarleiðini og Smyril hini 70 prosentini.

Herjólfur III tekur eisini ferðafólk.