Kongavarði fær nú eisini fjarhita

Kongavarði á Argjum er nú eisini knýttur í fjarhitanetið 

Fjarhitanetið í Tórshavnar kommunu telur nú 14 kilometrar í einum samanhangandi strekki, og samstundis er útbyggingin av fjarhitanetinum, sum byrjaði í 2016, liðug.

225 fjarhitakundar eru undir Kongavarða.

Teir eru knýttir í restina av fjarhitanetinum, sum er ein 14 kilometrar long samanhangandi høvuðsleiðing.

Hon røkkur av Sundsverkinum, oman í Gundadal, gjøgnum Steinatún, út eftir Jóannesar Paturssonar gøtu, eftir Landavegnum og út undir Kongavarða.