Herjólfur siglir tríggjar dagar aftrat

Herjólfur III verður aftur í Føroyum í morgin, siga Strandfaraskip landsins.

Hann byrjar í sigling á suðuroyarleiðini týsdagin.

Leigusáttmálin um Herjólf III er galdandi til fríggjadagin 15.desember.

Hetta verður eisini seinasta dagurin, Herjólfur III er á suðuroyarleiðini.

Strandfaraskip landsins arbeiða við ymiskum loysnum um farmaflutningin á suðuroyarleiðini, nú Herjólfur III gevst, sigur Fiskivinnu- og Samferðslumálaráðið.

Hagtølini siga, at Herjólfur III tekur 30 prosent av farminum á suðuroyarleiðini og Smyril hini 70 prosentini.