Danir finnast at fiskiveiðiavtaluni við Russland

Fiskiveiðiavtalan millum Føroyar og Russland setur Danmark í eina keðiliga støðu.

Tað er ein avbjóðing fyri sambandið millum Danmark og restina av ríkisfelagsskapinum at Føroyar velja at samstarva við Russland, sigur Flemming Splidsboel, granskari við Dansk Institut fyri altjóða gransking við Danmarks Radio.

Lars Løkke Rasmussen, uttanríkisráðharri, sigur í skrivligari viðmerking við DR, at Føroyar taka egnar avgerðir, tá tað kemur til fiskivinnupolitikk, men leggur afturat, at tað verður lagt merki til avgerðina, eisini uttanfyri landoddarnar.

Hetta tulkar Flemming Spsliedsboel sum at Lars Løkke leggur trýst á Føroyar.

Flemming Spliedsboel sigur, at hetta er ein upplagdur møguleiki hjá russum at njósnast í umráðnum, her teir annars eru óynsktir. Hann heldur eisini, at danska stjórnin hevur áhuga at at typpa hetta holið aftur.