Nú búgva 54.557 fólk í Føroyum

Gott og væl 54.500 fólk búðu í Føroyum 1.november.

Fólkatalið var 54.557. 

Tað er 545 fólk fleiri enn 1.november í fjør.

Seinasta árið standa ríkisborgarar úr Asia og úr evropeiskum londum uttan fyri Norðurlond fyri tveimum triðingum av fólkavøkstrinum. 

Fólkatalið veksur framvegis við lítlu ferðini, sum hevur verið í ár og í fjør.

Vøksturin seinasta árið kemur av einum burðaravlopi, sum er 196 fólk, og nettoflytingin er 349 fólk. 

Samanborið við undanfarna tíðarskeið, er burðaravlopið vaksið meir, enn nettoflytingin er minkað. 

Færri verða fødd, og færri doyggja.

Fólkatal 1. november 2023