Sleppur ikki undan at rinda til Samhaldsfasta

Norðurlendski sáttmálin um sosiala trygd er bara galdandi millum danska ríkisfelagsskapin og onnur Norðurlond.

Hann er ikki galdandi innanhýsis í ríkisfelagsskapinum.

Enn er eingin avtala gjørd um sosiala trygd innanhýsis í danska ríkisfelagsskapinum. 

Tað sigur TAKS, sum hevur nokað einum manni at sleppa undan at gjalda í samhaldsfasta arbeiðsmarknaðareftirlønargrunnin í Føroyum, tí hann rindar átta prosent av sínari bruttoløn í Danmark til arbeiðsmarknaðargjald.

Føroya kærustovnur hevur staðfest avgerðina hjá TAKS.

Maðurin er í DIS-skipanini, og arbeiðsgevari hansara býr í Danmark.

TAKS hevur onga lógarheimild at geva frítøku fyri at gjalda í arbeiðsmarknaðareftirlønargrunnin, tí maðurin er skattskyldugur í Føroyum.