Donald Tusk: Vesturheimurin má hjálpa Ukraina

Nýtilnevndi forsætisráðharrin í Pollandi, Donald Tusk, krevur, at Vesturheimurin hjálpir Ukraina av øllum alvi.

Tusk hevur í dag hildið fyrstu røðu sína í pólska tjóðartinginum sum nýtilnevndur forsætisráðharri. 

Hann gjørdist forsætisráðharri í gjár, eftir at Mateusz Morawiecki ikki fekk nóg stóra undirtøku til at gerast forsætisráðharri.

Skal gera sítt ítasta

- Tað nívir meg at síggja, at Volodymyr Zelenskyj, forsetimnoyðist at arbeiða hart fyri at sannføra heimsleiðarar um at halda fram við at stuðla. Hart og týðiligt fari eg at krevja, at tann frælsi heimurin, Vesturheimurin, ger sítt ítasta fyri at hjálpa Ukraina í hesum krígnum, segði  DonaldTusk, sum er fyrrverandi formaður í ES-ráðnum. 

Í røðuni staðfesti hann eisini, at Pólland skal vera tryggur sameindi hjá Nato. Hinvegin sigur hann, at Pólland má vera fyrireikað til at verja seg einsamalt.

Hann segði eisini, at marknaliðini skulu haldast trygg, tó við virðing fyri fólki.