- Tíðindi, mentan og ítróttur
Biður um 31 milliónir til at fyrireika útboð
Biður um 31 milliónir til at fyrireika útboð
Barna- og útbúgvingarmálaráðið fer at biðja løgtingið um 31 mió. kr. til at projektera felagsbygning til kampuss
Sp/F Henning Larsen North Atlantic, sum Ósbjørn Jacobsen, arkitektur, hevur, vann arkitektakappingina um nýggjan felagsbygning til Fróðskaparsetrið.
14.12.2023 - 06:15
Barna- og útbúgvingarmálaráðið fer at biðja løgtingið um 31 mió. kr. til at projektera felagsbygning til kampuss hjá Fróðskaparsetrinum fram til útboð.
Felagsbygningurin er kjarnin í yvirskipaðari heildarætlan frá 2018.
Tann ætlanin er at savna alt virksemi hjá Fróðskaparsetrinum í ein lestrar- og granskingarbýling.
Í 2022 og 2023 eru brúktar 4,5 mió. kr. til arkitektakapping, sum bleiv avgjørd í juni í ár.
Ætlandi skal projekteringin vera liðug í 2025. Byrjað verður at byggja í 2026, sigur Barna- og útbúgvingarmálaráðið.
Lógaruppskotið er sent til hoyringar. Freistin er 3. januar.
Er kopiera
Nýggjastu sendingar í ÚV
Nýggjastu sendingar í SV
