Leiðandi rentan í USA óbroytt

Amerikanski miðbankin broytir ikki leiðandi rentuna.

Hetta er triðju ferð, at leiðandi rentan er óbroytt.

Tað er tekin um, at rentuhækkingin, sum hevur verið í nærum tvey ár, steðgar, nú inflatiónin minkar og búskapurin kølnar, skrivar USAToday.

Áður hevur bankin sagt, at rentan skal haldast innan fyri talstrekkið millum 5,25 og 5,5 prosent, sum er tað mesta í 22 ár.

Hetta kann verða tekin um, at rentan fer at lækka næsta ár, skrivar NRK.