Hitamet sett í Arktis í summar

Ongantíð áður hevur verið so lýtt í Arktis sum í summar.

Frá juli til september var yvirflatahitin við Norðpólin 6,4 stig í miðal.

Hetta er tað mesta, sum mált er har, síðani hitamálingarnar byrjaðu í 1900.

Tað sigur amerikanski stovnurin, sum umsitur sjógv og lofthválv.

Summarhitin í Arktis er hækkaður í miðal 0,17 stig hvørt áratíggju síðani 1900.

Hitin í Arktis veksur fýra ferðir skjótari enn aðrastaðni.