Tveir vindskaðar í nátt

Tveir vindskaðar hava verið í nátt boðar vakthavandi á politistøðini frá. 

Tann eini var í Havn, har hol kom á eina presendingin í sambandi við renovering av einum húsum. 

Hin skaðin, sum stóðst av vindinum í nátt var á Tvøroyri - her hekk flagið oman av tekjuni á einum sethúsum, og niður yvir vindeygu og úthurð, so eigari slapp ikki út úr húsunum.

Hann mátti tískil hava hjálp frá tilbúgvingini, sum kom á staðið.

Ferðsla og streymslit

Okkurt ferðsluóhapp hevur verið, og steymslitið í gjár órógvaði ljósið í bæði Norðoya- og Vágatunlunum.

Eitt nú var bølamyrkt mitt í Norðoyatunnlinum, meðan ljósið við útkoyringina var alt ov bjart. 
Hetta fekk tó ikki álvarsligar avleiðingar fyri ferðsluna í tunlunum.