Føroyski innflutningurin minkar

Innflutningurin frá 1.januar til 1.november í ár var 10,1 milliard krónur, 484 milliónir, fýra prosent minni enn í sama tíðarskeiði í fjør.

Skip og flogfør eru ikki við í hesum tølum.

Oljuprísurin sæst aftur í tølunum.

Brennievni vóru innflutt fyri eina milliard og 589,6 milliónir krónur fyrstu tíggju mánaðirnar í ár.

Hetta er 461,8 milliónir krónur, ella 22,5 prosent, minni enn í fjør.

Størsti vøksturin er í bólkinum rávøra til fiskavirking, fyri tað mesta feskur fiskur og ídnaðarfiskur. 

Har er innflutt fyri 150,5 milliónir krónur meira í ár, sum eru 23,9 prosent.