Stórhøllin eitur Við Tjarnir

Í dag var navnið á nýggju stórhøllini í Hoyvík avdúkað. Stórhøllin eitur Við Tjarnir.

Hon hevur higartil verið kallað Føroya Arena.

Navnið varð avdúkað á samkomu seinnapartin.

Við Tjarnir, Remy á For

Remy á For eigur navnið

Navnakapping varð útskrivað í summar. Stívliga 150 fólk sendu tilsamans nøkur og hundrað uppskot inn. Tað var Remy á For, sum vann kappingina.

Í navnanevndini vóru Jonhard Mikkelsen, Siggert Patursson  og Lena L. Mohr.

Við Tjarnir, Jonhard Mikkelsen

Navnanevndin sigur í grundgeviningin fyri navnið Við Tjarnir: 

"Vit halda hetta vera nýtt, vakurt føroyskt staðarnavn, sum hevur veruligan samleika við tjarnirnar í lendinum, sum ljóðar væl, sum skapar góð hugasambond og sum kundi verið um allar Føroyar. "

Við Tjarnir, Stórhøll

Høllin stendur í gerð, og skal vera liðug í seinasta lagi í januar 2025, skrivar Tórshavnar kommuna á heimasíðuni.