Kanningin hjá Varðanum Pelagic er liðug

Umhvørvisárinskanningin í sambandi við, at Varðin Pelagic ætlar at byggja protein- og lýsiverksmiðju á Tvøroyri er gjørd.

Hon skuldi latast Umhvørvisstovuni nú um ársskiftið, sigur Bogi Jacobsen, stjóri í Varðanum Pelagic.

Har skal hon síðani viðgerast.

Til ber eisini at kæra góðkenningina hjá Umhvørvisstovuni, tá málið kemur so langt.

Alt hetta tekur tíð.

Kristin Michelsen, borgarstjóri á Tvøroyri, væntar, at hetta tekur ein ársfjórðing.

Varðin Pelagic sleppur at byggja á Tvøroyri, tá Umhvøvisstovan hevur góðkent umhvørvisárinskanningina hjá Varðanum Pelagic.

Frávikini frá byggisamtyktini skulu eisini sendast til almenna hoyring.