Runavíkar kommuna keypt víkingargarð

Runavíkar kommuna hevur keypt víkingargarðin, sum eftir ætlan skuldi reisast omanfyri Kvívík. 

Í staðin er nú ætlanin at reisa hann á Skipanesi. 

Tað boðar kommunan frá í tíðindaskrivi. 

Partafelagið Egilsgarður, sum átti tilfarið til garðin, og Runavíkar kommuna undirskrivaðu eina keypsavtalu hósdagin í farnu viku. 

Restirnar av einum dreymi

Víkingagarðurin, ið nú skal setast upp á Skipanesi, eru restirnar av einum dreymi hjá Poul Hansen, sála. 

Víkingagarðurin og stóri dreymurin hjá Poul Hansen vóru evni í einum innslagi í Degi og viku í 2021.