Ferðafólkaflogfar í ljósum loga

Øll 367 ferðafólkini vórðu bjargað, tá eldur kom í eitt flogfar í floghavnini Haneda í japanska høvuðsstaðnum Tokyo, upplýsir Japan Airlines fyri almenna miðlinum, NHK.

Ikki er greitt, hví eldur kom í flogfarið, men okkurt bendir á, at flogfarið rakti eitt annað fogfar, tá tað skuldi seta seg.

Flogfarið, sum er av slagnum Airbus 350, kom úr Hokkaido, tá vanlukkan hendi.

Hitt flogfarið var eftir øllum at døma eitt flogfar hjá japansku sjóverjuni, men hesi tíðindi eru ikki váttað.